唔知道呢個武漢肺炎肺閉關期仲有幾耐，所以希望可以同小朋友做啲小手工，消磨下時間同時可以學習下❤️ 今次小手工 #網上課堂 ，正式開始由林小小親自主理，（因為最近佢都唔俾我參與... ）今日我哋製作小小金魚缸！材料好簡單，一粒絨毛波波、小眼睛、唔要嘅假花瓣、仲有一個啫喱杯同埋一啲手工紙就可以完成啦，睇吓林小小點樣製作屬於佢自己嘅小小金魚缸啦！
《小小金魚缸》
1.首先張手工紙摺起再隨便剪碎。
2.啫喱杯底塗上膠水。
3.將碎紙貼響杯底。
4.絨毛波波貼上眼睛同花瓣。
5.用一條斷咗嘅橡筋貼住杯頂同埋金魚。
6.蓋埋個蓋就完成啦。
註：由於閉關嘅關係，屋企物資短缺，如果你有透明嘅外賣杯效果會更加理想！
